BIOGRAFIA

Soi Théo Poizat, ai crescut dins lo Sud de França.

Originas e primièras percussions

Adolescent, començi de jogar de musica amb mos amics e me descobrissi una passion per las percussions qu’apreni en autodidacta. Dins las annadas 90, començi de jogar amb lo Djembé (percussion d’Africa de l’oèst) e la Darbouka (percussion del Mièjorient e del Magrèb), puèi lo cajon (percussion flamenco), los bongos e las congas de Cuba, las percussions indianas coma los Tablas o lo Mridangam del sud de l’Índia. A pena 19 ans, parti en Índia a la recèrca de ieu-meteis e descobrissi un nòu mond musical e espiritual.

Viatges musicals a travèrs lo mond

Pendent las 15 annadas que seguisson, torni regularament en Índia e descobrissi fòrça autres païses (Mexic, Brasil, Senegal, Maròc, Perú, etc.) Dins cada país ont viatgi, me ligui d’amistat amb de músics. Pauc a pauc, mas experiéncias e influéncias musicalas s’amassan e me donan una identitat artistica originala. Dempuèi 2009, ai apondut a mon set de percussions los Handpans que devenon dès ara mos instruments privilegiats.

Aligansah, Alchimix e projèctes màgers

En 2011 arran d’un viatge al Senegal ont fau la rencontra d’un artista que foguèt una vertadièra font d’inspiracion per ieu, torni en França determinat a crear mon primièr grop de musica Aligansah, un quartet original amb d’amics de longa data. En 2012, convidi mos amics d’Aligansah e 2 autres músics a jogar sus mon primièr album « Nomad Soul ». A la fin de la meteissa annada, prepausi a 4 amics de compausar e d’enregistrar de manièra espontanèa e improvisada l’album « Sadhaka – A chakra experience » que concebi e produsissi. En 2014 crèi lo duò Atma e lo collectiu Alchimix, donant naissença a 2 novèls CD e fòrça concèrts en França, Euròpa, Índia e Maròc. Alchimix evolucionèt cap a un trio e ven mon projècte màger pendent 6 ans que me permetèt de jogar dins fòrça festivals e salas de concèrt coma Jazz à Vienne, Arabesque à Montpellier, le rêve de l’Aborigène, l’Institut du Monde Arabe e Radio France a París o encara l’institut francés de Casablanca, amai fòrça 1ras partidas de grops coneguts coma Gnawa Diffusion, Natasha Atlas, Tiken Jah Fakoli, La Rue Ketanou…

Uèi : Handpan solò, transmission, e novèls projèctes

Uèi, contunhi de me produsir sol e de collaborar dins de novèls projèctes de grops. M’agrada de partejar ma musica en solò amb mos 2 Handpans que forman una gama cromatica. Jògui en acostic o amplificat, acompanhat de mon looper. Me produsissi davant tot tipe de public e d’eveniment a l’entorn del ioga, de la meditacion, tanben per de concèrts privats, d’animacions dins las escòlas e los ostals de retirada… Dempuèi qualques annadas m’engatgi tanben dins una activitat pedagogica que vòl transmetre mas coneissenças e mon aproximacion intuitiva e orala de las musicas del mond a travèrs de talhièrs e de corses individuals. Descobrissètz mon univèrs mestissat qu’invita a la relaxacion e al viatge interior.